महाराष्ट्र शासन वैद्यकीय शिक्षण व औषधी द्रव्य विभाग व आयुष संचालनालय महाराष्ट्र राज्य, मुंबई यांच्याद्वारे संपूर्ण महाराष्ट्रात आयुर्वेद जनजागृती अभियान राबविले जात असून या अंतर्गत दिनांक ०३/१०/२०२३ रोजी अश्विन रुरल आयुर्वेद महाविद्यालय व रुग्णालय, मांची हिल, संगमनेर यांचे वतीने महादेव मंदिर शेडगाव, ता. संगमनेर येथे गर्भिणी-परिचर्या, दिनचर्या-ऋतूचर्या, स्थुलता, मधुमेह व गुदगत विकार- प्रतिबंधात्मक उपाय या विषयांसंबंधित ग्रामस्थांकरिता व्याख्यान व मोफत सर्वरोग निदान शिबिर प्राचार्य डॉ. संजीव लोखंडे, डॉ.श्यामल निर्मळ यांचे मार्गदर्शनाखाली आयोजित करण्यात आले. धन्वंतरी पूजनाने शिबिराची सुरुवात करण्यात आली. मार्गदर्शनपर व्याख्यानाद्वारे व माहितीपत्रके वाटुन जनजागृती करण्यात आली.
सदर शिबीराचे उद्घाटन शेडगावचे सरपंच श्री राजेंद्र बर्डे, माजी उपसरपंच श्री दत्तात्रय सोनवणे यांच्या हस्ते करण्यात आले. डॉ शिवपाल खंडिझोड, डॉ संजयकुमार धोंडे व डॉ दिनेश पानगव्हाणे (शल्यतंत्र विभाग) यांनी गुदगत व्याधी प्रतिबंधात्मक उपाय विषयी मार्गदर्शन केले व रुग्ण तपासणी केली, डॉ.राजन कुलकर्णी (कायचिकित्सा विभाग) यांनी मधुमेह व स्थौल्य संबंधित रुग्णाची तपासणी करून आहार विहार विषयक माहिती दिली. डॉ. विद्या सरोदे, डॉ विशाखा पाचोरे (स्त्री रोग विभाग) यांनी गर्भिणी परिचर्या या विषयी सविस्तर मार्गदर्शन केले व रुग्ण तपासणी केली, डॉ दिपा भणगे (स्वस्थवृत्त विभाग) यांनी दिनचर्या व ऋतुचर्या विषयी मार्गदर्शन केले, डॉ तेजस्विनी मोरे यांनी रुग्णांची नेत्र तपासणी केली, सदर शिबिराकरिता सरपंच, उपसरपंच यांच्यासह सौ. कल्पना जोशी, सौ. रुपाली सोनवणे, अलका नागरे, सर्जेराव सोनवणे, साहेबराव सोनवणे व शेडगाव ग्रामस्थ यांचे सहकार्य लाभले. डॉ.निशांत इंगळे (नोडल ऑफिसर) व डॉ शुकाचार्य वाघमोडे (निवासी वैद्यकीय अधिकारी), आंतरवासीय प्रशिक्षणार्थी, हॉस्पिटल कर्मचारी रोहित मते, संदेश गाडेकर, राहुल पिंपळे, रवी बर्डे, चेतन बोयत, गोरक्षनाथ वाळुंज यांनी शिबीर यशस्वी करण्यासाठी विशेष परिश्रम घेतेले. यावेळी शिबिरामध्ये शेडगाव पंचक्रोशीतील ७६ रुग्णांनी लाभ घेतला.
